Слова маюць экспанаты
Андрэй Ягоравіч Макаёнак – адзін з самых вядомых беларускіх драматургаў. Яго п’есы – сапраўдная айчынная класіка, наша бясспрэчнае багацце. На працягу двух дзесяцігоддзяў мінулага стагоддзя іх ставілі трыста тэатраў Савецкага Саюза і многія вядучыя тэатры Усходняй Еўропы.
Вядомая беларуская мастачка Нінэль Шчасная ў 1968 годзе напісала партрэт знакамітага драматурга. Партрэт выканан у тэхніцы пастэль. Захоўваецца ў Літаратурным музеі пісьменнікаў Гомельшчыны.
