Слова маюць экспанаты
Імя Івана Пятровіча Шамякіна добра вядома не толькі ў нашай краіне, але і далека за яе межамі. У архіве Літаратурнага музея пісьменнікаў Гомельшчыны захоўваецца пісьмо з Літаратурнага музея Петруся Броўкі ад 3 кастрычніка 1983 года, у якім супрацоўнікі звяртаюцца да Івана Пятровіча з просьбай напісаць успаміны пра народнага паэта Беларусі Петруся Броўку для зборніка ўспамінаў, які планаваўся да выдання ў выдавецтве «Мастацкая літаратура».
