Ад Купалля да Дня беларускага пісьменства

Малюся я небу, зямлі і прастору,
Магутнаму Богу – ўсясвету малюся,
Ва ўсякай прыгодзе, ва ўсякую пору
За родны загон Беларусі.
^{Янка Купала «Мая малітва»}

На золаку ХХ стагоддзя на Беларусі заззяў вясёлкай цудоўны самародак, славуты сын нашай Айчыны, класік нацыянальнай літаратуры, «першая з вяршынь беларускага Эльбруса паэзіі» – Янка Купала. У 2022 годзе адзначаецца 140 гадоў з дня нараджэння народнага паэта Беларусі.

Увесь год праходзіць пад знакам двайнога літаратурнага юбілею – 140-годдзя з дня нараджэння Янкі Купалы і Якуба Коласа. Гэта вялікая падзея для культурнай і асветніцкай супольнасці краіны! Характэрна, што юбілеі класікаў супалі з Годам гістарычнай памяці.

У Гомельскай абласной бібліятэцы запланаваны шэраг мерапрыемстваў з нагоды славутай падзеі. Супрацоўнік аддзела краязнаўства Аліна Харлан прыняла ўдзел у тэлеперадачы «Добрый вечер, Гомель!». Яна паведаміла гледачам, якія мерапрыемствы праходзяць у рамках святкавання юбілею, рассказала аб бібліятэчных пляцоўках, што рыхтуюцца да Дня беларускага пісьменства ў Добрушы, а таксама аб тым, як імёны Купалы і Коласа звязаны з Гомельшчынай.