Зімовая серыя інтэлектуальных гульняў працягваецца
18 лютага, напярэдадні Міжнароднага дня роднай мовы, супрацоўнікі агульнай чытальнай залы правялі гульню-віктарыну «Вандроўка па родным краі», якая працягнула зімовую серыю інтэлектуальных гульняў.
Дзве каманды – «Гусляр» і «Бульбаш» – і их прыхільнікі, вучні Гомельскага дзяржаўнага прафесіянальнага аграрна-тэхнічнага ліцея, здзейснілі займальную віртуальную вандроўку па Беларусі з прыпынкамі, каб праверыць свае веды прыказак і прымавак, дакрануцца да багатай культурнай і літаратурнай спадчыны краіны, праявіць творчыя здольнасці ў напісанні кароткага апавядання па прапанаванаму малюнку.
За ходам гульні пільна назірала строгае журы: Н. А. Юзянкова – бібліятэкар І катэгорыі абласной бібліятэкі, І. Р. Прахарэнка і Н. А. Аляшкевіч – выкладчыкі рускай і беларускай мовы і літаратуры аграрна-тэхнічнага ліцея.
Каманды прадэманстравалі азарт, эрудыцыю і імкненне да перамогі. Заслужаную перамогу атрымала каманда «Гусляр».
Гульня атрымалася эмацыянальнай і запамінальнай. Пераможцы былі ўзнагароджаны памятнымі сувенірамі, а ўсе ўдзельнікі інтэлектуальнай гульні атрымалі яскравы і душэўны музычны падарунак на беларускай мове, які шчыра зрабіла Таццяна Дземідзенка.
