Падары музею экспанат

Паважаныя гамяльчане і жыхары Гомельскай вобласці!

2021 год з’яўляецца знакавым для нашай Гомельшчыны і наогул для ўсёй Беларусі – спаўняецца 100 гадоў з дня нараджэння  Івана Шамякіна (30 студзеня) і ўсяго праз тыдзень (8 лютага) 100-гадовы юбілей Івана Мележа.

У 2016 годзе ў Гомельскай абласной бібліятэцы былі створаны музейныя  экспазіцыі, прысвечаныя нашым слынным землякам. І зараз мы аб’яўляем акцыю «Падары музею экспанат». Магчыма у вас захаваліся рэдкія фотаздымкі пісьменнікаў, кнігі з аўтографамі, сувеніры, календары з выявай класікаў, або іх асабістыя рэчы – аддзел краязнаўства Гомельскай абласной бібліятэкі з задавальненнем прыме іх у дар. Для нас мае значэнне любая рэч, маючая адносіны да гэтых пісьменнікаў. Усе падараваныя прадметы зоймуць дастойнае месца ў нашых экспазіцыях. Мы будзем вам вельмі ўдзячны, а ваша імя назаўжды застанецца ў гісторыі не толькі бібліятэкі, але і горада.

Звяртацца ў аддзел краязнаўства (2 паверх) альбо па тэлефоне: 33-90-63.